Otsailaren 25a

• K. a. 52. Ponpeio hautatu zuten Erromako kontsul bakar.
• 779. Walpurga, moja benediktino ingelesa, hil zen (j. 710).
• 1119. Tuterako errenditze agiria. Ordura arte musulmana zen hiria, Nafarroako erregearen eskutan geratu zen.
• 1570. Pio V.a aita santuak Elisabet I.a Ingalaterrakoa Eliza Katolikotik kanporatu zuen.
• 1778. Jose de San Martin militar eta independentista argentinarra jaio zen (h. 1850).
• 1790. Juan Álvarez Mendizábal politiko espainiarra jaio zen (h. 1853).
• 1841. Pierre Auguste Renoir margolari inpresionista jaio zen (h. 1919).
• 1869. Espainian, Francisco Serrano gobernuko presidente egin zuten.
• 1874. Karlistek Somorrostroko batailan garaipena lortu zuten.
• 1875. Enrico Caruso tenore italiarra jaio zen  (h. 1921).
• 1890. Viatxeslav Molotov politikari sobietarra jaio zen (h. 1986).
• 1899. Paul Julius Baron von Reuter, Reuters albiste agentziako sortzailea, hil zen (j. 1816).
• 1901. Zeppo Marx jaio zen (h. 1979).
• 1902. AEBetan, Hubert Cecil Boothek Vacuum Cleaner Co Ltd sortu zuen, aspiradorak egingo zituen enpresa.
• 1908. Ikerketa estatistiko baten arabera, aurreko urtean 82.606 espainiarrek emigratu zuten, denak 15 eta 35 urte artean.
• 1910. Txinatarren mehatxuen aurrean, Dalai Lamak Tibetera alde egin zuen Indian errefuxiatuz.
• 1922. Frantzian, Henri Desiré Landru hil zuten gilotinaz, 8 emakume erail zituela-eta.
• 1941. Amsterdameko langileek greba egin zuten, alemaniar okupatzaileek hartutako neurri antisemiten aurrean protesta egiteko.
• 1943. George Harrison musikaria jaio zen (h. 2001).
• 1943. Txema Vitoria Txiribiton, euskal pailazoa eta matematika irakaslea, jaio zen.
• 1947. Thomas Mannek Doktor Faustus argitaratu zuen.
• 1952. AEBetan,  Rosenberg bikotearentzako heriotza-zigorra konfirmatu zuten.
• 1953. Jose Maria Aznar politikari espainiarra jaio zen.
• 1956. Sobietar Batasuneko Alderdi Komunistaren XX. Kongresuan, Nikita Khrustxevek Discurtso sekretua deritzona egin zuen, Joseph Stalinen pertsonarekiko gurtza kritikatu eta desestalinizazioari hasiera emanez.
• 1965. Nat King Cole, estatubatuar jazz eta pop abeslari eta piano jotzailea hil zen (j. 1919).
• 1970. Mark Rothko, margolari estatubatuarra hil zen (j. 1903).
• 1980. Berlingo zinemaldian,  Pilar Miróren El crimen de Cuenca filma estreinatu zuten eta izugarrizko eskandaloa eragin zuen.
• 1981. Diputatuen Kongresuak Leopoldo Calvo-Sotelo aukeratu zuen gobernuko presidente.
• 1981. Valentziako kapitain jenerala zen Jaime Milans del Bosch eta Estatu Nagusiko bigarren buruzagia zen Alfonso Armada y Comyn salatu zituzten 23ko estatu kolpean parte hartzeagatik.
• 1983. Tennessee Williams antzerkigile estatu batuarra hil zen (j. 1911).
• 1986. Filipinetan, Ferdinand Marcos diktadoreak ihes egin zuen.
• 1989. George Herbert Walker Bush presidentea Pekinera iritsi zen, Deng Xiaopingek hasitako erreformak bultzatzeko eta bi herrialdeen arteko harremanak kontsolidatzeko.
• 1991. Varsoviako Ituna bertan behera geratu zen.
• 2005. Gernikako Arbola berria landatu zuten Gernikako Batzar Etxean, aurrekoa 2004an ihartu baitzen.
• 2005. Bangladeshko 9 kasko urdin hil ziren Kongoko Errepublika Demokratikoan izandako segadan.
• 2006. Munduan 6,5 mila milioi biztanle zeudela kalkulatu zen.
• 2012. Iñaki Urdangarinen aurkako epaiketa hasi zen Mallorcan.