Uztailaren 10a

• K. a. 48. Dyrrhachiumeko batailan, Julio Zesarrek Ponpeio garaitu zuen Mazedonian .
• 138. Hadriano erromatar enperadorea hil zen (j. 76).
• 1099. El Cid, Gaztelako noble eta mertzenarioa, hil zen (j. 1044).
• 1509. Jean Calvin Elizaren erreformatzailea eta kalbinismoaren sortzailea, jaio zen (h. 1564).
• 1631. Konstantza Habsburgokoa erregina polakoa hil zen (j. 1588).
• 1766. Isabel Farnesiokoa espainiar erregina kontsortea hil zen (j. 1692).
• 1778. Ameriketako Estatu Batuetako Independentzia Gerran, Luis XVI.a Frantziakoak Erresuma Batuari gerra deklaratu zion.
• 1856. Nikola Tesla fisikari, matematikari, asmatzaile eta ingeniari elektriko serbiarra, jaio zen (h. 1943).
• 1871. Marcel Proust idazle frantziarra jaio zen (h. 1922).
• 1938. Howard Hughesek marka berria ezarri zuen munduari 91 ordutan bira ematean.
• 1940. Vichyko erregimena hasi zen eta 1944 arte iraungo zuen.
• 1940. Bigarren Mundu Gerran, Ingalaterrako Bataila hasi zen.
• 1962. Telstar, munduko lehen hedabide satelitea, espazioratu zuen NASAk.
• 1968. Fernando Larrukert eta Nestor Basterretxearen Ama Lur filma estreinatua izan zen Donostiako zinemaldian. Lehendabiziko euskarazko filma izan zen.
• 1973. Bahamak Erresuma Batutik independizatu ziren.
• 1976. Seveson (Italia) industria istripua izan zen, kalte larriak ondorioztatu zirelarik. Sevesoko hondamendia izena eman ohi zaio.
• 1985. Frantziako inteligentzia agenteek Greenpeace erakundearen Rainbow Warrior ontzia hondoratu zuten Aucklandeko portuan, Zeelanda Berrian, Mururoako saio nuklearretan sar ez zitezen. Atentatu horretan Fernando Pereira argazkilaria hil zen (j. 1950).
• 1991. Boris Yeltsin Errusiako presidente hautatu zuten.
• 1997. ETAk Miguel Angel Blanco Alderdi Popularreko Ermuko zinegotzia bahitu zuen.
• 2009. Hildako bat adarkadagatik eta beste hainbat zauritu Sanferminetako entzierroan.
• 2013.  Concha García Campoy kazetaria hil zen (j. 1958).